Јас знам што Героски прави: се скрива под “сукњата на народот”, поточно под чадорот на Мицкоски, се обидува да му влезе под кожа, занесувајќи се дека, прво, се работи за феноменално “национално перо”, а во суштина сака само да биде барем еднаш сакан и возљубен од една влада.
Ненад Јовановиќ
Героски, Бранко, нашето “национално перо” вели: не се повеќе “тачевци” и “заевци”, денес имало нова национална влада која ќе воспоставела нови национални политики во земјава. Македонците биле “деноминирани”, понижени, и така натаму и така наваму.
И Милошевиќ, како и Добрица Ќосиќ, во нивните штембилни глави мислеа дека им пружаат можност на масите да учествуваат во историските случувања така што ги хушкаа масите кон неистомислениците внатре во земјата, поточно ги хушкаа масите кон нивните сонародници кои не ги делат нивните “вредности”.
Ако Героски мисли, заедно со неговиот полу Бог Мицкоски, дека од се’ ова денес ќе излезат како победници и доживотни владетели на “нашата земја”, едноставно говори две работи:
1.) Опасно непознавање на локалните и глобалните (не)прилики;
2.) Еднаш, придвижените популистички матрици се одвојуваат, наочи хаотично, ама преку детерминирана траекторија која во конечниот скор, исто така неизбежно, се одбиваат од главите на мотиваторите (за малку не реков, грешна ми душа – хушкачите).
Јас знам што Героски прави: се скрива под “сукњата на народот”, поточно под чадорот на Мицкоски, се обидува да му влезе под кожа, занесувајќи се дека, прво, се работи за феноменално “национално перо”, а во суштина сака само да биде барем еднаш сакан и возљубен од една влада.
Мицкоски, сине брат ми, колку и појма да немаш од политика – оти го боли и пече пустиот! – те замолувам да го сакаш (не мора да го љубиш) нашето “перо на Национот”. Аман, човеку!
Заев и Таче не го сакаа. Барем ти сакај го; го гледам како е тргнат со текстулчињата на хушкање, не оди на добро работава. На стари години едноставно на човека му треба само топла прегратка барем од една власт.
Ајде, премиере Мицкоски. Гушни го Бранко Г., искрено и човечански те замолувам.
Фала на разбирањето.
Секој заслужува прегратка, ако ме разбирате что сакам да кажам.
Од Фејзбук ѕидот на авторот