Од тој момент натаму, секоја изјава на Маск станува изразување на став на САД, а неговата поддршка на политички сили во државите сојузници (на пример АФД во Германија), станува мешање во внатрешните работи.
Тони Дескоски
Во периодот по американските претседателски избори, Западот е соочен со една нова појава: сопственикот на глобална социјална мрежа, државјанин и жител на САД да се меша во политичките процеси на западно-европските држави.
Дури, во негова одбрана застанал и шефот на американската дипломатија Блинкен, претставувајќи ги ставовите на Маск како ставови на приватно лице.
Сепак, се чини дека не се забележа она што Блинкен не го кажа: “слободата на изразување” на Маск ќе заврши во моментот кога тој ќе ја преземе државната функција на која ќе го именува новиот претседател Трамп. Од тој момент натаму, секоја изјава на Маск станува изразување на став на САД, а неговата поддршка на политички сили во државите сојузници (на пример АФД во Германија), станува мешање во внатрешните работи.
Исто така, Маск ќе се соочи и со горчливата реалност дека во САД, за разлика од претседателот, другите државни функционери се под строга контрола во поглед на приватниот бизнис.
Се на се, ќе биде интересно да се следи развојот на настаните.
п.с. За нас, посебно е интересно да ги гледаме Западните државници беспомошни наспрема приватните центри на моќ од странство. Сигурно не им е пријатно да бидат жртви на инструментот со кој тие вршеа влијание над ранливите демократии од Источна и Средна Европа за да ги наметнат своите интереси. Што би се рекло: со свој камен по глава!
Од Фејсбук ѕидот на авторот