Бугарија ја финансира подготовката на модернизацијата на железничката линија Софија – Перник – Радомир – Ѓуешево – граница со Република Северна Македонија. Приоритетно се изработуваат идејни решенија за делницата од станицата Ѓуешево до влезот во тунелот ‘Деве Баир’. Се планира на крајот на годината да се подготви технички проект по обем и содржина, согласно техничките барања на договорниот орган.
Лепа Џундева
Македонската влада жали што од бугарска страна се политизира прашањето за Коридорот 8 и се употребуваат зборови кои не градат добрососедство.
Ова е ставот на владата за ТВ 24, откако од Бугарија пристигнаа обвинувања дека Мицкоски манипулира и дека официјална Софија има план со обезбедени над 2 милијарди лева за изградба на Коридорот 8.
Мицкоски и Владата ниту еднаш не посочиле дека се откажуваат од Коридорот 8 и од потребата за железнично поврзување, туку дека во моментов државата не е во можност да потроши над половина милијарда евра граѓански пари, за проект, којшто ќе завршува во слепа улица, а во скоро време нема да има економски бенефит за граѓаните. – велат од Владата на Република Северна Македонија.
Бугарски БГНЕС, објави дека Националното претпријатие за железничка инфраструктура од Бугарија, контра макеоднската влада, испратило целосен извештај со финансиски информации за изградба на целата инфраструктура долж Коридорот 8 до македонската граница. Тврдат и дека се работи не само на делот што ја поврзува Софија со границата, туку и на оној што го поврзува главниот град со Бургас.
Бугарија ја финансира подготовката на модернизацијата на железничката линија Софија – Перник – Радомир – Ѓуешево – граница со Република Северна Македонија. Приоритетно се изработуваат идејни решенија за делницата од станицата Ѓуешево до влезот во тунелот ‘Деве Баир’. Се планира на крајот на годината да се подготви технички проект по обем и содржина, согласно техничките барања на договорниот орган. Инвестициите потребни за реализација на развојот на проектот за делницата Софија-Перник-Радомир до Ѓуешево (влезот во тунелот ‘Деве Баир’) се со индикативна вредност од 2,250 милијарди лева (1,2 милијарди евра). – велат од Националното претпријатие за железничка инфраструктура на Република Бугарија
Премиерот Мицкоски пред една недела, порача дека Бугарија нема покажано јасен проект и дека е неодговорно да се влезе во авантура во која не се знае дали ќе има крај и кога ќе биде крајот.
Тоа ќе подразбира минимум 500 милиони евра, пари како кредит или од буџетот, практично граѓаните и 200 милиони пари на европските даночни обврзници за 24 километри, 22 тунели, кои што ќе завршат на пола тунел во слепа улица, без да знаеме што ќе се случува од бугарска страна. Бидејки таму нема јасен проект дали тунелот ќе продолжи. Велиме, дајте да го видиме проектот од бугарска страна. Нема. – изјави Мицкоски.
Инаку министерката за финансии Кочоска,пак, која првично сметаше дека пренамена на средствата одобрени за пругата кон Бугарија се невозможна мисија, пред два дена го приближи својот став како премиерот Мицкоски изјави дека пругата кон Солун и за Србија е попотребна и дека не е важно дали ЕУ ќе ги пренамени парите од пругата кон Бугарија или ќе овозможи нови средства.
Пругата кон Бугарија е дел од мапата – транспортни коридори на ЕУ и е дел од таканаречениот НАТО Коридор. Се финансира со европски пари кои може да се изгубат доколку не се користат за железничкиот коридор 8. Линк