Рејкјавик: Исландскиот Социјалдемократски сојуз од левиот центар стана најголемата партија на предвремените избори што ја соборија владејачката коалиција во последните седум години, покажа последното пребројување во неделата.
Социјалдемократите добија 15 места во 63-члениот парламент со 20,8 отсто од гласовите со што лидерката на партијата, триесет и шест годишната Криструн Фростадотир е меѓу фаворитите за премиер но коалициски договор е многу неизвесен.
Фростадотир ја презеде функцијата лидер на Социјалдемократската партија пред две години и се залагаше за нордискиот модел на благосостојба ветувајќи дека ќе се справи со кризата на трошоците на животот предизвикана од високата инфлација.
Предвремените избори беа распишани минатиот месец по ескалацијата на коалициските несогласувања и јавното незадоволство во врска со миграцијата и енергетските и станбените прашања.