По извештаите утринава за напад на болницата изгубивме контакт со персоналот, ова е длабоко вознемирувачки со оглед на бројот на пациентите за кои се грижат и луѓето кои се засолниле таму, рече шефот на СЗО, Тедрос Аданом Гебрејесус
Светската здравствена организација – СЗО, изгуби контакт со персоналот на болницата Камал Адван во северниот дел на Газа по извештаите за израелски артилериски напад врз објектот во петокот рано наутро во кој беа ранети неколку лица.
По извештаите утринава за напад на болницата „Камал Адван“ во северниот дел на Газа, изгубивме контакт со персоналот таму“, генералниот директор на СЗО, Тедрос Аданом Гебрејесус, додавајќи дека таквиот развој е длабоко вознемирувачки со оглед на бројот на пациентите за кои се грижат и луѓето кои се засолниле таму.
Неколку членови на медицински персонал беа ранети кога израелската армија повторно ја нападна болницата „Камал Адван“ во Беит Лахиа, а војниците подоцна упаднаа во здравствената установа, оштетувајќи важна опрема за спасување животи.