Доналд Трамп се пошегува дека „не може да се ослободи“ од Илон Маск додека милијардерот продолжува со своето влијание врз новоизбраниот претседател, објавија светските медиуми.
Илон не сака да си оди дома. Не можам да се ослободам од него, барем додека не почне помалку да ми се допаѓа, изјавил Трамп на средбата со републиканците од Претставничкиот дом.
Трамп го прогласи Маск за копретседател на новиот Оддел за владина ефикасност во вторникот, додека извршниот директор на Tesla и SpaceX ја предводи агенцијата заедно со поранешниот претседателски кандидат на Републиканската партија, Вивек Рамасвами. Агенцијата ќе работи „надвор од владата“, изјави новоизбраниот претседател.