Очигледно, граѓаните не се задоволни од изборот на членовите на Советот за безбедност, но можеби и повеќе што претседател на тој Совет, според редот на нештата, е токму претседателката Сиљановска Давкова.
Биљана Јордановска
ЦивилМедиа вчера постави прашање на својата Фејзбук страница: Што мислите за составот на Советот за безбедност на Претседателката?, давајќи им можност на граѓанките и граѓаните да се изјаснат на оваа тема.
Конечно е познат составот на Советот за безбедност при Кабинетот на Претседателката Гордана Сиљановска Давкова. Согласно своите уставни надлежности, за членови на Советот за безбедност таа ги именуваше и Малинка Ристевска Јорданова – експерт за евроинтеграции, Џевдет Хајредини – поранешен министер за финансии и Владимир Спиридонов – експерт за климатски промени.
Во коментарите и пораките што пристиганаа во редакцијата на ЦивилМедиа граѓанките и граѓаните искажаа незадоволство и се прашуваа што и кого ваквиот состав на Советот за безбедност ќе обезбедува.
Неколку коментари беа: „Кој од кого“ или „Мој до моега“ реферирајќи на изборот на членовите.
„Македонија осудена на смрт“, „Циркузијада од држава“, „Катастрофа“, беа дел од коментарите.
„Награда за оние што ја критикуваа Владата. Само тоа“, вели еден читател.
Друга, пак, се прашува: „Скриена камера да не е?“.
За дел од нив, ваквата одлука на претседателката е награда за нив, а всушност исти се и тие како и Сиљановска Давкова.
„Како и претходните и овие ќе си го тераат мандатот, ќе се офајдат и на никој ништо. Довербата е изгубена и многу тешко да даваме оценки кога знаеме на експертите им наоѓаат некоја застранета функција, а овие се секогаш каде не треба“, вели еден граѓанин.
Во еден од коментарите, пак, се вели дека на ВМРО и било битно дека тие биле плукачи на СДСМ, а претседателката си ист став како нив веднаш ги назначила.
„Демек сме очекувале нешто паметно од Гордана. Госпоѓата не знае кај се наоѓа. Има иста работа како градинарот во Вила Водно. Таа е таму цвеќињата да ги полева. Каков Совет за безбедност, какви глупости, ви се молам“, стои во еден од коментарите.
„Тој Хајредини има 86 години. Веќе незнае како се вика, а ке ја светува Гога. Која пак незнае каде се наоѓа“, коментира еден читател.
Но и имаше и позитивно мислење за експертот за климатсни промени.
„Климатски промени се многу голем проблем, со овој советник ќе се решат во нашата земја“, вели една читателка.
За крај, се постави и прашањето: „Што ќе обезбедуваат кутрите?“.
Очигледно, граѓаните не се задоволни од изборот на членовите на Советот за безбедност, но можеби и повеќе што претседател на тој Совет, според редот на нештата, е токму претседателката Сиљановска Давкова. Линк
Текстот е сопственост на ЦивилМедиа.мк