Со цел да се заштити животниот стандард на населението односно да се намалат трошоците за живот во потрошувачката кошница за храна и пијалоци и кај средствата за лична хигиена, Владата донесе одлука со која се ограничува маржата во трговијата на големо и мало на 10 групи на производи или над 1000 прехрамбени и непрехрамбени производи, изјави заменик министерот за економија и труд Марјан Ристески.
Пет отсто бруто профитна маржа на основниоте производи: млеко, леб, брашно, јајца, масло за јадење, јогурт, 10 отсто ограничување на 55 прехрамбрени производи, месо, шеќер, путер, грав, ориз и тестенити, и ограничување на 15 отсто бруто профитна маржа на зеленчукот, бебешките производи, пелени, сапун, тоалетна хартија.
Анализата на Државниот пазарен инспекторат покажа дека трговците на мало и големо пресметуваат бруто профтина маржа на основните прозводи во висина од 20 -25 отсто, а од 20-50 отсто во трговијата на големо. Се задолжува овие производи да бидат 70 отсто присутни на рафт, рече Ристески.