Владата на денешната седница го задолжи Министерството за правда да достави предлог за разрешување на јавниот обвинител. Овој предлог ќе биде испратен до Советот на јавните обвинители од каде согласно законските одредби потребно е да се добие мислење.
Во мислењето на Министерството за правда за работата на Љупчо Коцевски, државниот јавен обвинител, се вели дека нарушен бил угледот на институцијата со која раководи јавниот обвинител, затоа што чувањето на угледот на институцијата е должност која потекнува од Законот за јавно обвинителство, конкретно член 4 став 1.