Пратеничката група на ВМРО-ДПМНЕ и коалицијата „Обнова за Македонија“, испратија писмо до Претседателот на Собранието Талат Џафери со кое бараат информација за содржината на Предлог преговарачката рамка за пристапните преговори на Република Македонија со Европската Унија, која што вчера беше пратена до Собранието, да ја врати во Владата бидејќи не содржела ниту еден документ.
„Ова е класична девастација и девалвација на Собранието и ова е класична злоупотреба и симнување на најниско ниво на законодавниот дом.
Имено, материјалот што е стасан од Владата во Собранието се заснова на
информација за предлог преговарачката рамка од еден лист. Текст од една страна е целиот материјал што Владата го испрати за одлучување во Собранието врз основа на кое што треба пратениците да се изјаснат за иднината на Република Македонија, велат од пратеничката група на ВМРО ДПМНЕ од која реагираат дека во испратениот материјал до Собранието од Владата ги немало:
• Документот со заеднички став на ЕУ,
• Предлог преговарачката рамка на ЕУ односно општиот став на ЕУ,
• Предлог-заклучучоците на Советот и
• Билатералниот протокол помеѓу Македонија и Бугарија