Хаг: Во највисокиот суд на ОН денеска почнува дводневно рочиште за барањето на Јужна Африка да се запре воената операција во градот Рафа на југот на Појасот Газа, каде што повеќе од половина од жителите на палестинската територија се засолниле од конфликтот.
Јужна Африка побара од Меѓународниот суд на правдата МКС, по четврти пат да нареди итни мерки откако земјата започна судење поради наводите дека воените дејствија на Израел во војната против Хамас се граничат со геноцид.
Јужна Африка побара од судот да му нареди на Израел да се повлече од Рафа, да преземе мерки за да обезбеди непречен пристап на службениците на ОН, хуманитарните организации и новинарите до Појасот Газа и да поднесе извештај во рок од една недела за тоа како се исполнуваат тие барања.
На претходните сослушувања, Израел негираше геноцид во Газа.