Струмица: Покривите на три куќи во Струмица на улицата „Крушевска Република“, над Момин бунар, целосно изгореа во пожар. Две лица се повредени.
Денеска во 10:56 часот на улица „Крушевска Република“, над Момин бунар, ТППЕ Струмица со пет противпожарни возила и 18 пожарникари интервенираше на гасење на запалени куќи. Опожарени се вкупно три куќи и причинета е значителна материјална штета. Во акцијата на гасење и спасување, пожарникарите од едната куќа успеаја да извлечат две постари лица кои беа повредени од пожарот и да ги предадат на екипите на брза помош, информираат од ТППЕ Струмица.
Пожарот е целосно локализиран, пожарникарите остануваат на локацијата заради евентуално разгорување поради високите температури.
Причините за пожарот засега не се утврдени.