Ако постојната олигархија учествувала во соборувањето на власта на сдсм и дуи со идеја преку вмро да ја остави Македонија и своите бизниси настрана од контролите и стандардите на Европската унија, тоа може да значи или дека скроз на скроз ја промашиле целта или дека во таа олигархија има многу политички па и општо неписмен свет.
Бранко Тричковски
Во врска со смената на власта и ескалацијата на македонската драма, често се споменуваше улогата и интересот на македонската олигархија.
Од почетокот не ми беше јасна таа логика.
Олигархијата е добро етаблирана, организирана и умрежена и се што и треба е стабилност во која ќе се репродуцира и ужива.
Што не мора задолжително да биде добро за Македонија.
Дестабилизација, војна и слични хаоси и несреќи, устоличување на хохштаплери и лудаци, може да бараат кандидатите за олигарси или структури со катастрофични визии и цели.
Ако постојната олигархија учествувала во соборувањето на власта на сдсм и дуи со идеја преку вмро да ја остави Македонија и своите бизниси настрана од контролите и стандардите на Европската унија, тоа може да значи или дека скроз на скроз ја промашиле целта или дека во таа олигархија има многу политички па и општо неписмен свет.
Ако ситуацијата продолжи да се развива според проекциите на вмро, ќе загубат, можеби не се, ама многу повеќе од мене.
Хахаха!
Затоа, јас им предлагам да се реорганизираат и да станат фактор на спасот, на државата и на себе. Европа, другари, Европа, без Европа ќе го смените не само стопанскиот туку и
животниот контекст од кој ќе ви биде мака.
Да не зборуваме за моралниот аспект.
Не сте вие родени како олигарси.
Македонија ве направила олигарси повеќе отколку што тоа го сторила вашата способност и тенко знаење.
Доживотниот претседател пратете го во лов на ајкули.
Тој е добра мамка и за поситни риби, но кучињата први ќе го лапнат.
Од фесјуб ѕидот на авторот