https://www.facebook.com/NovatvWeb/videos/934183326732397/
Екипата на НОВАТВ денеска напладне беше нападната од непознато лице додека снимаше на локација кај ТЦ Бисер во скопската населба Аердором каде се собираат потписи против наводната изградба на мигрантски кампови.
Како што сведочи нашиот репортер Сашка Цветковска, истото лице, на околу 30 години во зелена маичка, прво ја нападнало неа додека снимала со мобилен телефон, неколкупати и ја свиткал раката и барал да престане со снимањето. Откако дошол и снимателот на НОВАТВ кој снимал претходно на друга локација, истиот човек, прво разговарал со девојката, која во изјава за НОВАТВ изјавува дека е организатор, дека е од општина Аеродром и член на ВМРО ДПМНЕ, по што ја удрил камерата и го нападнал и снимателот.
Вториот напад се случил во ТЦ Бисер, на место за кое напаѓачот проценил дека е безбедно и дека никој нема да го види. Но има сведоци на настанот кои најавуваат дека ќе сведочат за нападот.
Во моментот екипата на НОВАТВ чека на местото да пристигне полиција, а за инцидентот се информирани и институциите.
Подоцна следува и снимката од нападот и целата репортажа за она што се случуваше во општина Аеродром денеска за време на собирањето потписи против наводната изградна на мигрантски кампови, организирано до повеќе групи преку социјалната мрежа Фејсбук.