Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Јагода и вестите

0
By Marija Todorovska on August 27, 2025 ИЗБОР
Фото: ЦивилМедиа
Фото: ЦивилМедиа
СПОДЕЛИ
Facebook Twitter LinkedIn Email

Џабир Дерала

Јагода долго време се думаше како да му испрати тајна порака на Цветко. Затоа го побара најдоверливиот курир Трајче.

„Кај си?“, го праша таа во краткиот разговор на Сигнал.

„Во братска Србија“, ѝ одговори Трајче гордо.

Тој ѝ објасни на претседателката на Нашата Околија – никогаш Северна – дека српскиот четнички војвода во Околијата го испратил во братска Србија, за да му помогне на Вождот од Белиот Град во борбата против западниот империјализам и лудите четници што сакаат да го симнат од престолот.

„Прати ми го Дорчо, барем. Тој ќе знае како да…“, му рече таа.

„Дорчо е секогаш со мене“, ја прекина тој, „не можам без него. Башка, тој ми е многу потребен. Заедно сме дел од работната група за стратегија против империјализмот и глобализмот.“

„Е па како да му испратам јас сега доверлива порака на Цветко? Се работи за нов концепт на уредување на вестите. Мора прво да одат вести за спорт и култура, па после за политика…“, го праша Јагода, онака збунета и беспомошна.

„Лесно, претседателке“, ја успокои Трајче, „јавно.“

„Па како тоа? Па тогаш сите ќе дознаат“, околиската претседателка беше сѐ позбунета, „ти, момче мариовско, се подбиваш со мене.“

„Таман работа, Јагода! Дозволи ми да ти објаснам“, ѝ одговори Трајче. „Во денешно време, тоа што е апла, најдобро е скриено. Ќе дадеш изјава за медиумите јавно, онака како што ти најдобро знаеш, ќе се нишкаш, ќе се врткаш и ќе си збориш — знаеш — изјава… Потоа дигиталните комити ќе го пласираат тоа на Фејсбук, па така ќе стаса тоа и до Цветко. Во меѓувреме, сите коментираат три дена и три ноќи, повеќето ќе те поддржат, предавниците ќе лаат, но потоа забораваат сите заедно. Ама Цветко, ако и тој не заборави, ќе ја слушне пораката и — го знаеш каков е — нема ништо да направи, исто како да заборавил и тој попрво од сите. И така, сите си живееме еден живот околиски, да не кажам живот бановински, како што велат овде, во братска Србија.“

„Ама ова е важно! Мора прво да одат вести за спорт и култура, па после за политика…“, му вели Јагода сега веќе вознемирена.

„Јагода, не се вознемирувај. Ти ги откривам тајните на модерната комуникација. Нема веќе тајни пораки“, ѝ рече Трајче со доза на строгост во гласот.

„А што правиме со културата, со спортот?“, упорна е Јагода.

„Види, освен арамилак и повремени тепачки, ни таму нема ништо друго. Не чепкај сега таму. Цветко и онака не знае што да прави со сѐ друго, освен да го товари магарето“, ѝ одговори Трајче, сега веќе нетрпелив. „Извини ме сега, ме вика Дорчо на состанок за стратегии.“

И ја исклучи.

Јагода, збунета, лута, стоеше на тремот на палатата среде шумата неколку минути. Потоа, ги преврте очите неколку пати и, цупкајќи, отрча во бавчата да ги кастри ружите.

Овој текст е САТИРА со целосно измислени личности, состојби и настани. Секоја сличност со реалноста е случајна.

Текстот е сопственост на ЦивилМедиа

сатира Џабир Дерала
Share. Facebook Twitter LinkedIn Email
ТИКЕР

Косовското собрание не го избра Курти за премиер

October 26, 2025

Француската полиција уапсила двајца осомничени за грабежот во Лувр

October 26, 2025

Лидерите на Тајланд и Камбоџа потпишаа проширен договор за прекин на огнот во присуство на Трамп

October 26, 2025

Некои модели на вештачка интелигенција развиваат свој сопствен режим на програмирање за преживување

October 26, 2025

Норвешкиот министер за одбрана Торе Сандвик предупреди: Русија интензивно го милитаризира полуостровот Кола во Арктичкиот круг, складирајќи нуклеарно оружје

October 25, 2025
ФОКУС

Трамп до Путин: Нема да губам време

ВЕСТИ October 26, 2025

 Американскиот претседател Доналд Трамп изјави дека нема да се сретне со рускиот претседател Владимир Путин…

Родителите на загинатите во „Пулс“: Каде беа институциите кога ни изгореа децата?

October 25, 2025

Католичките свештеници за помалку од пет години сексуално злоупотребиле 4.451 лица

October 24, 2025

Данела Арсовска: Советот на Град Скопје и Управниот одбор се одговорни за состојбата во „Комунална хигиена“

October 23, 2025
ТИКЕР

Косовското собрание не го избра Курти за премиер

October 26, 2025

Француската полиција уапсила двајца осомничени за грабежот во Лувр

October 26, 2025

Лидерите на Тајланд и Камбоџа потпишаа проширен договор за прекин на огнот во присуство на Трамп

October 26, 2025

Некои модели на вештачка интелигенција развиваат свој сопствен режим на програмирање за преживување

October 26, 2025

Норвешкиот министер за одбрана Торе Сандвик предупреди: Русија интензивно го милитаризира полуостровот Кола во Арктичкиот круг, складирајќи нуклеарно оружје

October 25, 2025
CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.