Премиерот Зоран Заев на одбележувањето на 11 Октовмри во Куманово изјави дека доаѓа време на ред правда и дисциплина.
“Доаѓа време на ред, правда и дисциплина. Новата Влада започна бескомпромисна борба против корупцијата и криминалот на сите нивоа. Никој не е над законот. Кој не сака да го почитува законот, ќе се соочи со законот. Патот на правдата понекогаш знае да биде бавен, но покажавме дека знаеме и можеме да се движиме во таа насока. И од овој пат враќање нема! Kако Влада ќе бидеме партнер на сите чинители во законодавната, извршната и судската власт. Но, и на граѓанското општество, медиумите и групите од интерес, кои сакаат да придонесат кон градење на систем на правдата, што ќе им служи на граѓаните. Заслужената казна за функционерите од поранешната власт, кои се соочуваат со судски процеси и пресуди за злоупотреби, нека биде поука и за сите актуелни функционери” изјави Зоран Заев утринава од Спомен-костурницата во Куманово по повод Денот на востанието против фашистичкиот окупатор 11 Октомври