На полноќ завршува кампањата – на полноќ почнува молкот
Денеска е последниот ден од кампањата за претседателските избори закажани 24-ти април, среда од 7 до 19 часот.
На полноќ почнува молкот кој трае до затворањето на избирачките места.
Изборната кампања за парламентарните избори закажани за на 8. мај нема да биде прекината.
На гласачкото ливче за избор на претседател на Република Северна Македонија, а согласно ждрепката на ДИК од 1 до 7, се запишани кандидатите за претседател Стево Пендаровски, Гордана Силјановска Давкова, Стевчо Јакимовски, Бујар Османи, Билјана Ванковска Мирчевска, Арбен Таравари и Максим Димитриевски.
Во предизборната кампања тие настапуваа со свои слогани и тоа:
Стево Пендаровски – „Нашиот претседател Стево“; Гордана Силјановска Давкова – „Македонија повторно горда“; Стевчо Јакимовски – „Храбро за Македонија“; Бујар Османи – „Европски претседател“; Билјана Ванковска Мирчевска – „Го ввраќаме достоинството на нацијата“; Арбен Таравари – „Таравари за претседател“ и Максим Димитриевски – „Максимум за Македонија“.