51 украински бегалец се засолниле кај роднини и пријатели во земјава.
Информацијата ја потврди претседателот на Црвениот крст на Република Северна Македонија, Саит Саити кој рече дека овие лица претежно биле сместени кај роднини и пријатели.
„30 се во Скопје, 13 во Гевгелија, 2 во Валандово, 3 во Струмица и останатите се во Прилеп. Тие се сместени претежно кај роднини и пријатели, но не значи дека системот не е подготвен за колективно сместување. Има дефинирано одредени објекти од страна на Владата, во случај на поголем прилив на бегалци сместувањето ќе биде во тие објекти. Хуманитарната помош и здравствената криза за нив ќе ја преземе Црвениот крст. Здравствената грижа ќе биде ослободена од државата, во смисла од обврска за плаќање на здравствени услуги“, вели Саити.
Храна и вода, средства за лична хигиена, како и санитетски материјали и средства за прва помош – ова се приоритетите кои биле дефинирани како најпотребни за настраданото население од воениот конфликт во Украина.
Од Црвениот крст велат дека до денеска биле собрани над 2,7 милиони денари.
Денеска пунотот за донации на Црвениот крст на Северна Македонија, во Момин поток, го посети министерот за надворешни работи, Бујар Османи, амбасадорката на Украина во земјава Наталија Задоружњук и претставници на четирите Стопански комори со цел да ги дефинираат приоритетите околу она што е најпотребно да се испрати како помош за украинското население.
(Б.Божиновска)