Пред 12 години на овој ист датум, 11 септември, Американците веројатно размислуваа како да ги потрошат летните одмори а не на терористички напади. „Американска пита 2“ се прикажуваше во кино-салите, а Бијонси размислуваше да го остави својот бенд и да продолжи со соло-кариера.
Главните приказни на телевизија беа од типот „напади на ајкули“ и слично. Малкумина тогаш слушнале за Ал Каеда или Осама бин Ладен.
Во тоа време, група од терористи беа при крај со планирањата на серија напади од кои подоцна ќе загинат околу 3000 луѓе.
Нападите на 11 септември (или 9/11) беа серија од четири координирани терористички напади на исламската терористичката група Ал Каеда врз САД, во Њу Јорк, и Вашингтон.
.jpg)
Четири патнички авиони, киднапирани од страна на 19 терористи на Ал Каеда, беа пренасочени во самоубиствени напади. Два од тие авиони, летот 11 на Американ ерлајнс и летот 175 на Јунајтед ерлајнс се урнаа во Северната и Јужната кула, односно, на Светскиот трговски центар во Њујорк. Во рок од два часа, двете кули се срушија а како резултат на пожарите, беше предизвикан и делумен или целосен колапс и на други објекти во целиот комплекс на Светскиот трговски центар, како и големи оштетувања на десетина други големи структури од околината. Третиот авион, летот 77 на Американ ерлајнс се урна во Пентагон (седиштето на Министерството за одбрана на САД). Четвртиот авион, летот 93 на Јунајтед ерлајнс беше насочен кон Вашингтон, но се урна во поле во близина на Шенксвил, Пенсилванија откако патниците се обиделе да ги соборат киднаперите.
.jpg)
Вкупно 3 000 луѓе загинаа во нападите, вклучувајќи ги и 227-те цивили и 19-те киднапери во четирите авиони, што претставува еден од најкрвавите инциденти во историјата на САД.
Точно времетраење на жариштата од нападите траеше 99 дена.
На заедничката сесија на Конгресот на 20 септември 2001, претседателот Буш вети дека ќе ја брани слободата на Америка против стравот од тероризам.
По нападите, рејтингот на Буш порасна до 90 отсто. На 20 септември, 2001 тој и се обрати на нацијата по повод настаните од 11 септември и последователните девет дена на ситуација во која се одвиваа спасувачки акции и напори за обновувања.
.jpg)
Многу од паричните средства беа веднаш поставени за помош на жртвите од нападите, како и обезбедување финансиска помош за преживеаните и за семејствата на жртвите. До крајниот рок за надомест на жртвите на 11 септември, 2003, биле добиени 2 833 апликации.
Во Македонија, Американската амбасада и Црвениот крст на град Скопје по петти пат организираа крводарителска акција и акција за донирање храна со цел одбележување на трагичните напади од 11 септември 2001 година.
Несомнено за овие напади ќе се шират теории на заговор и понатаму, според политиката на Америка – борбата против тероризмот и понатаму останува главна цел.
.jpg)