Градоначалничката Данела Арсовска освен што покажува неспособност и незаинтересираност за проблемите на скопјани, не работи ништо. Наместо да менаџира единствено што го прави е да бара пари и помош од Владата, обвинуваат од СДСМ.
– И покрај тоа што Владата има обезбедено 70 милиони евра за превоз во Скопје, таа бара пари од Владата за ЈСП. Бара пари за парно, а Владата обезбедува 80% од трошоците за актуелната цена на парното. Истовремено, додека бара пари Арсовска вработува 109 партиски членови на ВМРО-ДПМНЕ, велат од таму.
Според нив, Арсовска нема пари за парно за скопјани, но издвојува 670.000 евра од парите на скопјани за вдомување партиски војници.
– На Арсовска не и се даваат 1 милион евра за парно, за скопјани да не добиваат повисоки сметки за парно, но затоа нема проблем да потроши 670.000 евра за вдомување на партиски кадри. Крајно време е Арсовска конечно да престане да бара оправдување за нејзината неспособност и да почне нешто да работи. се вели во соопштението на СДСМ.