Author: Biljana

Гувернерот на областа Лавов изјави дека во нападот на воената база западно од Лавов загинале девет лица, а ранети се 57 луѓе. Гувернерот Максим Козицки потврди дека Русија утринава истрелала 30 ракети врз комплекс на околу 50 километри југозападно од Лавов и на околу 25 километри од границата со Полска. Украинскиот министер за одбрана Олексеј Резников претходно изјави дека во објектот работеле и странски воени инструктори, но не е јасно дали некој од нив бил во базата кога се случил нападот.

Oд почетокот на енергетската криза и порастот на цените донесени се над 30 мерки од над 600 милиони евра за заштита на домаќинствата и економијата Изминаа две турбулентни недели од црниот 24 февруари, кога Русија ја започна воената инвазија врз Украина. Ненадминлив удар за човештвото, поради досега изгубените илјадници човечки животи и семејни трагедии. Остар удар и врз светската економија и животниот стандард на милиони граѓани ширум светот. Зошто е погодено светското население? Бидејќи украинската криза не е само војна помеѓу две држави, туку војна помеѓу две многу важни алки во глобалните синџири на снабдување. Русија е најголемиот извозник на гас, втор најголем извозник на нафта, важен извозник на метали, додека…

Дури 89 лица се приведени пред, за време и по саботното дерби во хрватскиот фудбал меѓу сплитски „Хајдук“ и „Динамо Загреб“ (0-0), соопшти денеска полицијата, наведувајќи дека се одземени и 35 парчиња различни пиротехнички средства и оти се оштетени автобуси на гостинската екипа и навивачи. Портпаролката на сплитската полиција Антонела Лолиќ рече дека полициските сили со навремени интервенции во текот на целиот ден спречиле посериозни инциденти. – Пријавени се оштетувања на автобусот на гостинската екипа, како и неколку оштетувања на автобуси користени за превоз н гостинските навивачи, но освен тоа, не се регистрирани други посериозни инциденти, а нема ниту повредени – изјави Лолиќ. Приведени се вкупно 89 навивачи, во најголем дел поради прекршувања на Законот за спречување инциденти на спортски…

Новите 26 антикризни мерки на Владата, вредни 400 милиони евра веќе даваат резултат. Со усвоените измени и дополнувања на законите на ДДВ и за акцизата во Собранието, на предлог на Владата како дел од антикризните мерки, од денеска се намалени цените на нафтените  деривати и горивата за транспорт, информира владината прес служба. – Со ефикасното спроведување на постапката, примената на антикризните мерки доведе до намалување на цената на горивата и со тоа бензинот БС-95 се намали за 6,5 денари, а на дизелот за 9 денари. Соодветно на намалената акциза и ДДВ за нафтените деривати, се намали и цената на другите…

Како резултат на нападот на нашата земја, Украина, руското раководство всушност ја претвора својата држава во аналог на таканаречените „ДНР“ и „ЛНР“. На голема зона која е изолирана од целиот свет, изјави украинскиот претседател Володимир Зеленски во синоќешното обраќање до нацијата. – Погледнете сега кој ја напушта Русија. Кој го изнесува својот бизнис. Тоа се професионалци кои можат да се справат со глобалниот пазар. Тоа се ИТ луѓе кои не сакаат да живеат во област каде што воопшто нема слобода. Тоа се бизнисмени кои чувствуваат дека се ќе им биде одземено кога раководството ќе посака. Тоа се уметници кои знаат дека креативноста на територија на која човечкиот живот е безвреден е исто…

Вкупно 12 балистички проектили беа истрелани врз американскиот конзулат во Ербил, главниот град на автономниот Курдистан во северен Ирак, соопштија утринава локалните власти. Во нападите нема жртви, но причинета е материјална штета. Не се наведува колку е оштетена зградата на американскиот конзулат. Проектилите биле истрелани од територијата надвор од границите на Ирак и Курдистан, од исток, соопштија официјални лица, пренесува Бета. Нападот се случи по долго затишје во Ербил. Вашингтон верува дека зад нападот стојат проирански фракции во Ирак.

„Отворен Балкан“ во моментов е иницијатива со највисоко ниво на поддршка и препознаеност од страна на граѓаните и меѓу другото претставува и дополнителен придонес кон регионалната стабилност, во услови на активна војна на териоторијата на Европа, вели Марјан Забрчанец, национален координатор за „Отворен Балкан“ и за регионални иницијативи во интервју за Нова ТВ.  Лидерите Заев, Вучиќ и Рама кога ја промовираа иницијативата „Отворен Балкан“ најавија амбициозен план до 2023 година да нема граници меѓу трите земји и да има слободен проток на капитал, луѓе, стоки и услуги. Контролата на границите, намалувањето на корупцијата и намалувањето на државната контрола во економијата…

Руските сили го киднапираа градоначалникот на јужниот град Днепарудне, изјави министерот за надворешни работи на Украина Дмитро Кулеба. Јевхен Матвејев ќе биде вториот украински градоначалник, наводно, киднапиран од напредувањето на руските војници во изминатите три дена, откако градоначалникот на блискиот Мелитопол, наводно, бил киднапиран во петокот. Кулеба вели дека „руските воени злосторници“ го киднапирале Матвеев. „Добивајќи нула локална поддршка, напаѓачите се претвораат во терор. Ги повикувам сите држави и меѓународни организации да го запрат рускиот терор против Украина и демократијата“, вели тој.

Автобус со околу 50 Украинци излетал од патот во Италија, при што има еден загинат и неколку повредени, соопштија во неделата пожарникарите. Несреќата се случила на автопатот меѓу Чезена и Римини, на североисточниот брег. Сликите објавени од пожарникарите на Твитер покажуваат дека автобусот се превртел, пренесува Ројтерс.

На 23 февруари дојдов во Киев каде што работам, за да ги завршам моите работни обврски и да се вратам во градот Кропивницкиј каде што живеам со моите деца и родители, раскажува за Нова ТВ Зоја Апостолска, мајка на две деца. Работата ја завршив и следниот ден требаше да се вратам кај моето семејство во околниот град. Едвај чекав да си бидам пак со децата. „Меѓутоа во 5 часот наутро ме разбудија страотни звуци. Сфатив дека се случи она најлошото за кое сите мислевме дека е невозможно да се случи. Од минутата кога првите бомби паднаа во Киев мојот живот…

  Во Кина денеска се регистрирани 3.393 случаи на заразени со коронавирусот, што е најмногу во еден ден од почетокот на пандемијата во февруари 2020 година. Поради големиот скок во бројот на случаи низ целата земја, властите ги затворија училиштата во Шангај и заклучија неколку градови во североисточниот дел на Кина, додека повеќе од десет провинции се борат да ги спречат локалните жаришта. Властите на градот Џилин, со население од речиси четири милиони, спроведоа задолжително тестирање поради пријавените нешто повеќе од 500 случаи на варијантата омикрон. Границите на Кина остануваат затворени бидејќи властите спроведуваат пристап на нулта толеранција во борбата против епидемијата.

Заменик директорот на водечката руска авиокомпанија Аерофлот Андреј Панев изјави дека поднел оставка и ја напуштил земјата. Панов, кој беше задолжен за маркетинг, на Фејсбук напишал дека „заврши животот што некогаш го имал“, пренесува Бета. Руските медиуми претходно јавија дека и извршниот директор на Аерофлот Михаил Полубојаринов ја напуштил земјата, но подоцна Аерофлот демантираше. Аерофлот е тешко погоден од западните санкции кон Русија поради нејзината инвазија врз Украина. Западните земји забранија летови на Аерофлот и забранија испорака на резервни делови, а оваа мерка важи и за другите руски авиокомпании. Аерофлот одговори на санкциите со прекин на сите летови во странство