Author: Marija Todorovska

Армијата на Обединети Арапски Емирато (ОАЕ) денеска евакуира 24 луѓе од нафтен танкер по судирот со друг брод. Несреќата се случи источно од Ормуски Теснец, најважниот нафтен премин во светот.

Кривична пријава доби директорот на Јавното комунално претпријатие „Комуналец“ во Кичево, затоа што од 2020 година до денеска постапувал спротивно на прописите за заштита на животната средина и природата. Како што соопштија од МВР, тој формирал дива депонија на повеќе илјади квадратни метри во населена зона во Кичево, за која давал задолженија на вработените секојдневно да складираат, оставаат или расфрлаат отпадни материи. Кривична добиле и четворица вработени во ова претпријатие.

Европската комисија ја казни Грција со 392 милиони евра поради неправилно управување со европските земјоделски субвенции во периодот од 2016 до 2023 година, јавува весникот „Катимерини“. Најголем дел од казната се должи на недоволниот надзор на грчката Организација за исплата и контрола на европските субвенции (ОПЕКЕПЕ), која беше укината на крајот на мај по голем корупциски скандал.

Откако Трамп вчера си замина порано од Самитот Г7 во Канада, францускиот претседател Макрон на новинарите им сугерираше дека американскиот претседател заминува да преговара за прекин на огнот помеѓу Иран и Израел.

Но, додека офанзивните способности на Русија може да останат во голема мера непроменети од нападот на Израел врз Иран, одбранбените способности на Украина – од кои голем дел се обезбедени од САД – би можеле да страдаат како резултат на тоа.

Фатмир Битиќи: Во далеку посложени услови и со повисока инфлација, ние направивме максимум што можеше да се направи со различен сет на мерки. Денес Владата има уште полесни услови и две алатки во рака – а не ги користи. Комисијата за заштита на конкуренција требаше да има капацитет и да постапува. Имаше дојави за картелско здружување и ништо не се случи. Потребна е примена на законите. Не може, ако е увезен производ, неговата цена во соседството да биде три пати пониска од кај нас. Увозната и малопродажната цена кај нас се со огромна маржа. Тука е Владата  да интервенира преку…

Скопје: Уште еден земјотрес со Рихтерова локална магнитуда ML2.5 степени е регистриран ноќеска по полноќ во 00 часот и 48 минути во епицентралното подрачје Пештани-Охрид-Струга, на околу 102 километри југозападно од Скопје. 

Се уште не може да се каже конкретно дали воениот конфликт меѓу Израел и Иран ќе предизвика ценовен шок, рече денеска претседателката на Центарот за микро, мали и средни претпријатија во Комората Габриела Кулебанова.

Семејствата и родителите на починатите во пожарот во клубот „Пулс“ денеска доставија писмен допис до Основното јавно обвинителство во Кочани, со кој бараат непосредна средба со обвинителите.

Авион на „Луфтханза“ кој летал од Франкфурт до Индија бил принуден да се врати вчера поради закана за поставена бомба, изјавија од германската федерална полиција за ДПА.

Пакистан ги затвори своите воздушни и копнени патишта со соседен Иран поради ескалацијата меѓу Иран и Израел, оставајќи стотици луѓе блокирани од двете страни на границата, соопштија официјални лица.

Со финансиска поддршка од Европската Унија, преку проектот „ЕУ за млади“, целосно се реконструирани објектот и ученичкиот дом на Регионалниот центар за стручно образование и обука „Ванчо Питошески“ во Охрид. Инвестицијата во вредност од околу 1.7 милиони евра овозможи учениците и наставниците да добијат современи, безбедни и енергетски ефикасни услови за настава и престој.