Author: Zoran Ivanov

Лисабон: Познатиот жичник „Глорија“ во Лисабон, популарен кај туристите, денес излета од шините. Според последните информации, најмалку 15 лица загинаа, а најмалку 18 се повредени. Петмина од повредените се во сериозна состојба, додека 13 се здобиле со полесни повреди.

По јулските проекции, филмската ревија во Кинотека во чест на јубилејот – 75 години од основањето на Друштвото на филмски работници (ДФРМ) продолжува денеска со „Трето полувреме“ на Дарко Митревски, а во деновите што следуваат публиката ќе има можност да ја проследи јубилејната филмска ревија од избрани македонски филмови кои оставиле длабока трага во нашата кинематографија.

Предлогот на рускиот претседател Владимир Путин за средба со украинскиот претседател Володимир Зеленски во Москва е неприфатлив, соопшти денес украинската влада.

Њујорк: Мисиите на мировните сили на Обединетите нации се соочуваат со сериозни финансиски проблеми, а намалувањето на американските средства може да ја ограничи нивната способност да ги заштитат цивилите, особено во Јужен Судан и Демократска Република Конго, соопшти претставник на ОН за мировни мисии.

Полските и сојузничките авиони денеска беа активирани за да го обезбедат полскиот воздушен простор откако Русија почна воздушни напади насочени кон западна Украина, блиску до границата со Полска, соопшти Оперативната команда на полските вооружени сили.

Кинескиот претседател Си Џинпинг предупреди дека светот се соочува со избор меѓу мир и војна, додека денеска ја предводеше најголемата воена парада во историјата на својата земја, придружуван од рускиот лидер Владимир Путин и севернокорејскиот лидер Ким Џонг-ун.

Министерот за правда Игор Филков наскоро треба да ја одбрани својата магистерска работа на Правниот факултет „Јустинијан Први“ во Скопје, открива 360 степени. Темата на трудот е „Креирање стратегии во сферата на правосудството како надлежност на Министерството за правда“, што претставува област која директно се совпаѓа со неговата актуелна функција во Владата. Според дневниот ред на седницата на Наставно-научниот совет на факултетот, закажана за утре, трудот на Филков е меѓу оние за кои треба да се усвојат извештаите на комисиите, како последен чекор пред закажување на одбраната.

Секој траен мир во Украина бара посилна украинска армија, но и безбедносни гаранции од пријателите и партнерите на Украина, САД, Европа и другите, изјави денеска во Луксембург генералниот секретар на НАТО, Марк Руте.

Денес пред целата јавност, зборувавме за уште едно ново задолжување на Владата предводена од ВМРО-ДПМНЕ, од 15 милиони евра. Задолжување за проект кој, според официјалните податоци, е реализиран 94,3%. Прашањето е, зошто 15 милиони евра за само 5,7% нереализирани активности, рече пратеничката на СДСМ, Сања Лукаревска на денешната собраниска седница.

Проширувањето на Европската Унија претставува геополитичка неопходност и е катализатор, порача заменик-министерката за европски прашања на Кипар Марилена Рауна и посочи дека проширувањето ќе биде еден од приоритетите на кипарското претседателство со ЕУ во првата половина на следната година., јави Медиумската информативна агенција.

Вкупно 70 отсто од македонските граѓани го подржуваат членството на земјата во Европската Унија, при што од зачленувањето очекуваат придобивки како што се отворени граници, слободна трговија и подобар квалитет на животот, покажуваат резултатите од најновото истражување на Евробарометар посветено на процесот на проширување на ЕУ.