Author: Zoran Ivanov

Шеснаесет лица, вклучително и градоначалникот на јужниот либански град Набатија, беа убиени за време на израелскиот напад врз општинска зграда, соопштија либанските власти.

Три лица загинаа, а пет се повредени во сообраќајката што се случи попладнето на автопатот Скопје – Велес. Несреќата е пријавена во 17.45 часот, а до неа дошло откако на автопатот Скопје – Велес, пред тунелот, се превртело комбе.

Генералниот секретар на НАТО, Марк Руте, рече дека „планот за победа“ на украинскиот претседател Володимир Зеленски е добар сигнал, но дека, како што сега стојат работите, тој не може целосно да го поддржи.

Украинскиот претседател Володимир Зеленски денеска во Врховната рада го претстави „планот за победа“, кој се состои од пет клучни точки, пренесува Киев Индипендент.

Приштина: Пратениците на опозициските партии во Собранието на Косово ја прекинаа денешната собраниска седница и во знак на протест отидоа до зградата на Косовската радио-телевизија (РТК) бидејќи јавниот сервис не емитуваше дел од денешната вонредна седница, на која не присуствуваше владејачката партија, Движење самопределување (ВВ), предводена од премиерот Албин Курти, јави дописникот на МИА од Приштина.

Сите оние коишто од внатре го попречуваат процесот на консолидација во опозицијата ова всушност ги идентификува како: – подизведувачи на политиките на оваа Влада за потчинетост на македонскиот народ и нацијата на Северна Македонија и – согласни со нашето одвојување од европската и евроатланската целина каде припаѓаме.

Украинските власти денеска наредија евакуација на Купјанск, важен град и три други локалитети во североисточниот регион Харков, бидејќи руските сили се приближуваат кон клучниот град и властите се соочуваат со потешкотии во обезбедувањето резерви за населението во текот на зимата.

Вашингтон: Демократската потпретседателка на САД, Камала Харис, има три проценти предност пред републиканскиот противкандидат на претседателските избори, Доналд Трамп, 45 наспроти 42 проценти, покажува новата анкета на Ројтерс и Ипсос.

Петер Сијарто: Идеална ситуација би била ако Северна Македонија и Босна и Херцеговина одржат меѓувладини конференции за старт на преговорите до крајот на годината, но тоа не зависи од унгарското претседателството со ЕУ, туку зависи од консензусот на сите 27 земји членки. Тој консензус не е пречка за проширувањето, а оние земји членки на ЕУ што го тврдат спротивното, во основа само бараат изговор затоа што не се ентузијасти за овој процес. Линк  

На Западниот Балкан му е потребна ЕУ, но и на Унијата и треба регионот за и донесе нова енергија и нов поттик, да ја зајакне и да ја направи посилна, но проширување на блокот се блокира со билатерализација на пристапниот процес, со што им се нанесуваат штети и на европските стандарди и вредности, но и на блокираната држава, бидејќи и се прекинува дотокот на кислород и се попречуваат нејзините можности да воспостави систем на вредности, владеење на правото и функционална демократија.

Скопје: Нека каже премиерот кој е планот за евроинтегративниот пат на државата, кои европските држави го поддржуваат тој план и ако тој план ги подобрува нашите преговарачки позиции, ние ќе го поддржиме, но прашање е до кога ќе чекаме. Треба да знаеме кој е планот и временската рамка по ова прашање, изјави вечерва лидерот на СДСМ Венко Филипче.