Дерала: Владите треба да донесат политики и средства да одвојат за победата на демократијата во нивните земји, против авторитарните режими и против хибридните закани и хибридните операцији на менување на когнитивната војна, на менување, на однесувањето на цели популацији,
Дестан Јонузи
Џабир Дерала од ЦИВИЛ – Центар за слобода – учествува на Форумот „Иднината на демократијата“ во Вилнус, Литванија. За време на учеството на Форумот, Дерала се сретна со високи државни преставници од Европа и Светот, како и со претставници на граѓанскиот сектор.
На овој форум Дерала зборуваше за посветеноста на ЦИВИЛ – Центар за слобода – за унапредување на демократијата и напорите за зајакнување на демократските институции.
– На овој форум, на високо ниво, од луѓе, официјални представници или влади, се слушат, директни изрази, директни квалификацији, директен описи на состојбите, онакви какви што се, не завиткани во дипломатски ракавици. Се разбира тоа е, меѓу другото, причината зашто организаторите одлучиле да нема лајв стриминг, да бидат правилата одветни на Четем Хаус правилата, дека не може да се цитира на директни имења, туку само се цитираат ставовите, информираше Дерала во неговото јавување од Вилнус, Литванија на „Колегиумот“ на Цивил Медиа. https://www.youtube.com/watch?v=02miiW_cBkE
Прочем, подвлече тој, сите се согласни дека демократијата во светот зависи од тоа како ќе се одвива ситуацијата во Украина, и со Украина.
Победата на Украина е истотака означена, сватена и разбрана и прифатена како победа на демократијата. Нема победа на демократијата ако нема победа за Украина. Начините на кои тоа ќе се случи, тоа е веќе јасно, дека Украина мора да победи во својата војна за слобода, и поточно Русија да биде поразена од неизината агресорска војна која е спротивна на началото на повелбата на ОН, како што предвидува и формулата за мир, истакна Дерала.
Според него, по победата на Трамп -важно е да се знае дека Европа е посочена како новиот фронт, односно се очекува Европа да приземе одговорност, барем под еднаков, ако не ја приземе водство во одбраната на Украина и во одбраната на Европската демократија и светската демократија против руската агресија.
Тоа е многу важно да се свати дека се очекува не само од владите да донесат одлуки кои ќе помогнат во победата на Украина против руската агресија. Владите треба да донесат политики и средства да одвојат за победата на демократијата во нивните земји, против авторитарните режими и против хибридните закани и хибридните операцији на менување на когнитивната војна, на менување, на однесувањето на цели популацији, истакна тој.
Форумот на високо ниво „Иднината на демократијата“ е важна платформа за да се потврди улогата на државите во поддршката на регионалната и европската стабилност и безбедност. Форумот се одржa на 7 и 8 ноември 2024 година во Вилнус, Литванија.