Четворица новинари од Авганистан пристигнаа во Македонија како дел од хуманитарните мисии за спасување на авганистански новинари од талибанскиот режим, соопштија од Самостојмиот синдикатот на новинари и медиумски работници
Од таму велат дека оваа мисија е на барање на ИФЈ – Интернатионал Федератион оф Јоурналистс, ЈХР: Јоурналистс фор Хуман Ригхтс и Самостојмиот синдикатот на новинари и медиумски работници.
Дел од извршниот одбор на ССНМ ги пречека колегите на скопскиот аеродром кој утрово од Исламабад преку Истанбул слета во Скопје.
Изутрината на Меѓународниот аеродром Скопје, пристигна група од четворица новинари од Авганистан кои се во опасност од новите тамошни власти.
Станува збор за ТВ и радио новинари кои работеле за локални медиуми и дописници за странски медиумски куќи, а по падот на демократската влада, добивале закани по живот од Талибанците.
– Северна Македонија им обезбеди привремен престој до заминување во трета држава по барање на Меѓународната организација на новинари и Самостојниот синдикат на новинари и медиумски работници. Со прифаќање на овие авганистански граѓани, земјава ја продолжува активната улога во големата хуманитарна операција за помош на продемократското население во Авганистан, соопштија од Влада.
По слетувањето беше спроведена стандардната процедура – безбедносна проверка, заштита и ПЦР тест.
Ќе бидат привремено сместени во Скопје, а трошоците во целост се покриени од организацијата Новинари за човекови права.
Во земјава во моментов престојуваат 534 граѓани на Авганистан за кои институциите им ја обезбедуваат и пружаат потребната поддршка и помош.
Од Северна Македонија до сега заминаа 85 граѓани на кои траен престој им обезбедија Франција, Грција, Ирска, Португалија, Бразил и САД.