Карл Нехамер утринава отпатува за Москва каде како прв државник на ЕУ од почетокот на војната во Украина ќе се сретне со рускиот претседател Владимир Путин. Нехамер најави дека, иако шансите се мали, тој сака да се заложи за прекин на војната во Украина во разговорите со Путин.
Претходно, Карл Нехамер изјави дека иницијативата за средба со Путин потекнува лично од него, а тој ја договорил средбата пред неговата посета на Украина. Тој пренесе дека за тоа го информирал и претседателот на Украина, Володимир Зеленски и дека се е усогласено со врвот на ЕУ.
По средбата со Путин, како што најави, нема да има заеднички прес-конференции Путин нема да го прими Нехамер во Кремљ, туку разговорот кој е закажан за попладне ќе се одржи во неговата резиденција во Москва. Од средбата не е планирана објава на видео, само една фотографија.