Американскиот претседател Џо Бајден вчера телефонски разговарал со претседателката на Европската комисија, Урсула фон дер Лајен, пред која се залагаше за справедлив меѓународен даночен систем, се вели во соопштението на Белата куќа, цитирано од Ројтерс.
Соединетите држави се надеваат дека на Самитот на Г -20 на крајот на месецот ќе се постигне политички договор за воведување глобален минимален данок на компаниите, соопшти агенцијата.
Во разговор со Фон дер Лајен, Бајден исто така изразил силна поддршка за продолжување на процесот на пристапување на земјите од Западен Балкан во Европската унија, се вели во соопштението.
Лидерите на ЕУ и Балканот ќе се состанат во среда за да разговараат за идното членство на шесте балкански земји: Србија, Косово, Босна и Херцеговина, Црна Гора, Албанија и Северна Македонија.
Се очекува во заедничката изјава од состанокот да биде потврдено дека ЕУ го гарантира идното членство на шесте земји, изјавија вчера двајца високи претставници на ЕУ.
Дел од западноевропските земји стравуваат од повторување на избрзаното пристапување на Романија и Бугарија во Унијата во 2007 година и лошо управуваната миграција на работниците од Источна Европа во Британија, забележува Ројтерс.