Моделот доаѓа од белгиската Фландрија а сега почнува да се шири и во другите делови на земјата. На пример здружението Трект Плант се обидува веќе долги години да ги натера властите на Белгија да го прифатат принципот на контролирано производство на канабис.
Во Белгија канабисот не е депенализиран но судовите не му даваат голем приоритет и не поднесуваат тужби против консументите на мали количества. Оттука не е многу тешко да се најде се што е потребно за да се одгледува канабис во својот продрум или градина. Но продажбата на канабис останува да биде казнива.
Според податоците, околу 15.000 луѓе веќе во 2007 година почнале да произведуваат канабис, за лична употреба или за пријателите. Во здружението кое се залага за оваа продукција денес има 350 членови.
Трект Плант произведува десетина мали плантажи и произведува околу 20 кила канабис годишно. По секоја берба се организира собир на членовите кои доаѓаат да ја земат тревата во органичено количество и да платат за услугата.
Но овие места на производство се држат во тајност. Во здружението тврдат дека повеќе се плашат од крадци и шверцери отколку од полицијата. Правдата сепак не ги остава туку така да произведуваат канабис и да го продаваат. На два пати здружението стасало на суд но Апелациониот суд секогаш ги ослободувал. Некои од производителите кои се членовите на социјалните канабис клубови понекогашсе обидуваат да извлечат профит од продажбата па оттука раководството на здружението тврди дека е многу внимателно за да не дојде до злоупотреба.
Освен во Фландрија сега вакво здружение веројатно ќе се формира во Валонија. Според приврзаниците на овој социјален канабис клуб, канабисот купен на улица не е чист како тој одгледан од нив. Дилерите на дрога продаваат истовремено и друга дрога како кокаин, амфетамини и екстази. Затоа тие сметаат дека државата мора да го поддржи и легализира начинот на производство како што е социјалниот канабис клуб за да се спречи акцијата на шверцерите и мафијата. Тие исто така тврдат дека дрогата продадена на улица е лоша затоа што е пресечена со хемикалии и дека во социјалните канабис клубот тоа производството би било транспарентно и легално.
Судовите во земјата не се сите толерантни кон оваа активност. Еден од овие клубови одлучи да игра со отворени карти октривајќи ги местата каде што се наоѓале малите плантажи. Но полицијата одлучила да ја сопре оваа активност и го одзела целиот материјал и производството.
Така, досега легалното производство на канабис и во Белгија останува да биде утопија.