Поранешниот директор на Управата за безбедност и контраразузнавање (УБК), Сашо Мијалков попладнево по 14 часот се пријавил во струшкиот затвор на издржување на затворската казна, објави Телма, повикувајќи се на свои информации.
Порталот А1он објави дека Мијалков се појавил во затворот без придружба и обезбедување, носејќи со себе само куфер.
Мијалков се спогоди со Обвинителството во случајот „Империја“ и треба да одлежи тригодишна казна. Потоа тој ја смени адресата на живеење во Охрид, што му овозможи казната да ја служи во затворот во Струга, кој е од отворен тип.
Влегувањето на Мијалков во затвор доаѓа по неговото барање за одложување на казната поради здравствени причини. Во меѓувреме, во хотелот „Мериот“ го прослави раѓањето на неговата прва внука.