Дописничката на „Би-Би-Си“ од Киев, Лајси Досет објави интересна мини анализа за првите месец дена од војната во Украина.
„Во првите часови на 24 февруари, засолништата во Киев беа пренатрупани и се слушаа експлозии. Се сеќавам дека првиот ден од инвазијата слушнавме дека аеродромот во Хостомел, исклучително важно воено воздушно пристаниште, беше веќе под напади и заземено од Русите“, пишува Досет.
Овде во главниот град, продолжува таа, „се чинеше дека е прашање на време кога ќе слушнеме дека руски конвои влегуваат во Киев“.
Но, месец дена подоцна околу Хостомел сè уште се водат борби, а постојат извештаи дека е повторно заземен од Украинците.
„Кога овие денови во воените анализи ќе прочитаме „опкружување“, тоа се споменува само во контекст на градот Ирпин кој е под непрекинато руско ракетирање. Но, Ирпин сега е опколен од украински сили. Украина ги потиснува Русите“, порачува Досет.
По еден месец од почетокот на војната, Русите не се влезени во главниот град, не напредуваат, а на истокот се потиснати назад од Украинците и тоа на километри. Меѓутоа не треба да имаме илузии. Русите се вкопуваат, на терен и натаму имаат голем број на војници, додека на истокот освоија незанемарливи делови од Украина“, заклучува дописничката на „Би-Би-Си“ од Киев.