“Војната со Украина мора веднаш да сопре и Путин треба да престане со неговата агресија врз Украина”, беа едни од последните зборови кои во Москва во петокот вечер, пред да биде убиен, ги изговори Борис Немцов.
Зборовите беа дел од интервјуто на едно московски радио дадено одвај три часа пред смртта на Немцов, остар критичар на Кремлин. Од брановите на ова радио тој ги повикуваше слушателите да дојдат на протест зборувајќи против Путин и војната во Украина.
Немцов, со сериозен тон и длабок глас, на радиото тврдеше дека причината на кризата што ја живее Русија е “агресијата врз Украина по која уследија санкции и потоа заминување на капиталот. Сето тоа поради болната агресија на Путин врз Украина”, рече Немцов употребувајќи слични аргументи како Киев или западните земји.
Немцов им се спротивстави на тврдењата на Кремлин за Крим велејќи: “Се согласувам дека населението на Крим сака да живее во Русија. Но проблемот е наоѓа на друго место: работите не треба да се прават според волјата на народот туку според законот и почитувањето на меѓународната заедница”, рече Немцов во петокот вечер.
Убиениот опозиционер зборуваше и за корупцијата, за неопходноста за се скуси одбрамбениот буџет за да се вложи во образование итн. Но додава дека е свесен дека руската опозиција нема многу влијание во земјата во овој момент. За да се зголеми тоа влијание Немцов побара од најзначајната руска телевизија да и обезбеди на опозицијата еде час неделно во кој таа ќе може да им ги престави своите предлози на руските граѓани.
“Кога власта и моќта се сконцентрирани кај еден личност, сето тоа непобитно води до катастрофа. До апсолутна катастрофа”, извика Немцов во своето последно интервју дадено само неколку часа пред тој да биде убиен во центарот на Москва.
Протестот кој Немцов го најавуваше за утре беше протест против кризата. Убиството на политичкиот противник на Путин го претвори во протест во центарот на Москва закажан за утре.