Во Тузла ескалира ситуацијата на демонстрациите, откако демонстрантите упаднаа во зградата на локалната влада. Демонстрантите го пробија полицискиот кордон и влегоа во зградата која е демолирана и на крај за запалија. Над зградата се издига црн чад. Локалите медиуми јавуваат дека е во тек евакуација на министрите и вработените, а демонстрантите не дозволуваат приод на противпожарните екипи. Судир со полицијата во Сараево и Зеница.
Граѓаните извикуваат “Долу бандо!“ и „Крадци!“, а полицајците се распоредени пред зградата на Владата на сараевскиот кантон и во околните улици, јавуваат тамошните медиуми.
Протестите на граѓаните кои почнаа пред дена во Тузла се проширија низ повеќе од 20 градови во знак на поддршка на обесправените работници од Тузланскиот кантон, но и како израз на општото незадоволство од моменталната ситуација во земјата.
На Фејсбук е формирана група- 50.000 луѓе на улица за подобро утре, каде граѓаните постираат фотографии и видеа од последните случувања.
