За денес со почеток во 17 часот и 30 минути е најавен нов Пленум на граѓани кој ќе биде одржан во Домот на млади. На вториот состанок на Пленумот на граѓани и граѓанки на Сараево кој се одржа во петокот вечерта беа усвоени четири итни барања на граѓаните од кои едниот беше итна поставување експертска влада во Кантонот Сараево, без политичка припадност и во консултации со Пленумот.
Едногласно е усвоено барањето за ревизија на платите и бенефициите на носителите на јавни функции во кантонот Сараево и нивно адаптирање на економската ситуација. Граѓаните се едногласни и за ревизија на приватизацијата на сите јавни претпријатија, меѓу кои „Фероелектро“, „Холидеј Ин“, „Зора“, „Клуч“, „Сарабон“ и сите други кои се предмет на сомнителна приватизација, вклучувајќи ги и претпријатијата од федерално значење „Враница“, „Хидроградба“, „ГП Пат“ и „Унис Претис“.
Последното барање е воспоставување независнка експертска комизија за утврдување на фактите од случувањата од 7 Фебруари чиј мандат ќе вклучува и попис и проценка на штетите, како и утврдување одговорност кај полициските службеници за прекумерна употреба на сила.
За денеска е најавен и Пленум на граѓаните и граѓанките на Мостар, после кој ќе има и мирни протести на плоштадот, соопштуваат од Координацискиот одбор на Пленумите.
Заедничкото барање на сите Пленуми изнесено вчера е смена на Владите, укинување на финансирањето на политичките партии од буџетот, ревизија на приватизацијата, утврдување на потекло на имотот, усвојување на закон за одземање на незаконски стекнатите имоти во Федерацијата БиХ, укинување на паушалите и бенефициите за политичарите, укинување на членот во законот кој дозволува застарување на делото воено профитерство и повоена приватизација.
Се очекува Пленумите од Мостар, Тузла и Сарајево да се припојат во едно тело, иако координација постои и во моментов