По повеќе неуспешни обиди во изминатите три дена, бугарските пратеници денеска го избраа Вежди Рашидов за претседател на 48. Народно собрание на Бугарија.
Рашидов бил номиниран од четири партии за време на претседателскиот совет, а на гласањето во парламетот собрал 139 гласа „за“ и 73 гласаа „против“ неговата кандидатура за собраниски спикер.
Неговата кандидатура беше поддржана од ГЕРБ, БСП, ДПС и „Бугарски подем“. Против гласаа пратеници од „Продолжуваме со промените“ и „Демократска Бугарија“, а целата пратеничка група на „Преродба“ беше воздржана.
Кандидатурата на Рашидов формално беше предложена од Корнелија Нинова од БСП.
Изминатите три дена бугарските пратеници во четири обиди пробаа да го изберат претседателот на 48. Народно собрание, но попусто. Петтиот обид за избор на собраниски спикер за одржа утринава, но и тој беше неуспешен.
„Ветувам дека ќе се обидам да работам со сите вас, ветувам дека ќе бидам консензуален, ќе ве слушам, намалете со надменоста, тоа ви пречи, не помага. Внесете повеќе смисла во тоа. Луѓето ги чекаат вашите одлуки“, изјави Рашидов.