Министерството за надворешни работи на Република Бугарија испрати нота до Министерството за надворешни работи на Република Северна Македонија. Преку неа е упатена покана до министерот Бујар Османи да одржи годишен состанок на Мешовитата меѓувладина комисија од чл. 12 од Договорот за пријателство, добрососедство и соработка од 2017 година на 9, 10 или 11 јули 2022 година во градот Банско.
На претстојниот состанок на оваа заедничка комисија треба да се разгледа имплементацијата на билатералната спогодба за изминатиот период и да се усвојат мерки за подобрување на билатералната соработка во сите сектори, се наведува во официјалната објава на бугарското МНР.
Од македонското МНР досега нема одговор кој датум од предложените, Османи би прифатил за реализција на состанокот во Банско. (М.Т.)