Белград: Ѓорѓе Мијатовиќ (37), брат на вицепремиерот на Владата на Федерацијата Босна и Херцеговина и министер за развој и претприемништво Војин Мијатовиќ, убиен е вчера во Белград.
-Синоќа околу 18-19 часот полицијата добила повик дека е дојдено до некоја тепачка, отишле на адресата во општина Вождовац, го пронашле повредениот со сопругата. Го однесоа во Урегентна и таму почина, изјави Дачиќ за ТВ Блиц.
Тој додаде дека синот на Мијатовиќ претходно се пожалил дека му ја украле топката, и дека имал проблем со двајца мажи.
Според неофицијални информации на Телеграф.рс, Мијатовиќ бил претепан од две млади момчиња кои побегнале и по кои полицијата трага.
За случајот е известено и Вишото јавно обвинителство кое нареди обдукција.
Како што пренесуваат белградските медиуми, синот на Мијатовиќ вчера му се пожалил на својот татко дека во паркот на Вождовац го малтретирале млади луѓе. Мијатовиќ потоа отишол кај нив, а по кратка дискусија тие го нападнале и го претепале.
Тој во тешка состојба бил примен во болница каде им подлегнал на повредите.
Медиумите во Босна и Херцеговина претходно објавија дека братот на Мијатовиќ бил убиен вчера во Карабурма, но станува збор за уште еден инцидент во кој постар човек бил избоден со нож.