Само 3504 граѓани се изјасниле како етнички Бугари на Пописот 2021 година.
Според податоците кои ги објави Државниот завод за статистика, етничките Бугари според бројката се на осмо место на останати етнички заедници, односно како Бугари се изјасниле 3.504 граѓани или 0,19 отсто од вкупното население.
Токму правата на Бугарите во Северна Македонија е една од точките на кои инсистира бугарската страна во преговорите помеѓу Скопје и Софија. Бугарскиот премиер Кирил Петков во повеќе наврати потенцира дека унапредувањето на правата на бугарското малцинство односно нивно впишување во Уставот на Република Северна Македонија е еден од условите земјава да ги почне преговорите за членство во ЕУ.
„Почитување на правата на Бугарите во Северна Македонија со гаранции во рамки на Уставот“, е реторика која доаѓа од официјална Софија.
Сепак резултатите покажаа дека само 0,19 отсто од населението во земјава се изјасниле како етнички Бугари.