Водата повторно тече од чешмите во Скопје, откако денеска беа санирани дефекти и променети пет затворачи низ главниот град.
Санирањето на дефектите и модернизирањтео на главниот цевковод во Скопје се реализираше во планираните и најавени 15 часа од страна на ЈП Водовод и канализација.
Како што велат одговорните, денеска биле санирани пропусти поради кои скопскиот водовод трпел огромни загуби на вода изминативе 20 години.
Еден од поголемите дефекти кои се поправаа денес беше и на улицата Никола Парапунов во Карпош 4, каде што претходно десетина дена истекуваше вода и ги поплавуваше соседните улици.
На акцијата за поправање на дефектите и модернизација на водоводот работеле повеќе од 160 вработени во ЈП Водовод и канализација