АД ЕВРОПА Скопје и одговорното лице за застапување, Марика Караџова, најостро ги осудуваат навредите, клеветите и обидот за нарушување на честа и професионалниот и личен углед на фабриката и на одговорното лице од страна на новинарката од Нова ТВ, Биљана Секуловска.
Текстот несоодветно и непотполно ја пренесува комуникацијата меѓу Биљана Секуловска, и АД ЕВРОПА Скопје, испревртувајќи го дадениот одговор на барањето за донација и вадејќи го од контекст деловното комуницирање, а со цел упатување лични навреди кон генералната директорка, Марика Караџова, и навреди кон АД ЕВРОПА Скопје.Иако на барањетоза донација беше даден детален одговор зошто тоа неможе да биде исполнето,текстот не го наведува тоа, туку само цели кон нарушување на угледот на АД Европа Скопје и генералната директорка.
Во 135-годишното постоње на друштвото биле одобрувани, се одобруваат и ќе се одобруваат и во иднина многубројни донации на оние на кои помошта им е најнеопходна, а во согласност со планираниот буџет за донации. Во тој дух, друштвото во бројни наврати спонзорирало и донирало кондиторски производи на многубројни организации и институции.
Оваа година друштвото донираше новогодишни пакетчиња на Борка, здружение за борба против рак, ДАМА- ЕЛ, здружение на деца со посебни потреби, Центар за деца со аутизам,настан 12 елки за 12 семејства – Сити мол,социјално загрозено семејство од Велес, инвалидизирано лице Тони Петровски, хуманитарен базар, Новогодишна хуманитарна акција,Бадникова хуманитарна акција итн.
Во согласност со член 13 од Законот за граѓанска одговорност за навреда и клевета, го поднесуваме ова барање за објавување на демант, извинување и јавно повлекување на статијата во исто време и во ист обем на вашиот медиум во рок од 48 часа од денот на доставување на ова писмено барање.
Од медиумите што ги пренесоа навредите и клеветите бараме објавување на овој демант на исто место и со исто времетраење како и изнесените дезинформации.
5 јануари 2018 година
Генерален директор
на АД ЕВРОПА Скопје
Марика Карaџова