Во тек е десеттиот протест против модифицирниот француски предлог за деблокирање на евроинтегративниот процес на Македонија во Европската унија (ЕУ).
Протестот, под мотото „Ултиматум – Не, благодарам“ и со засилено полициско обезбедување, започна во 19 часот пред Владата и засега се одвив во мирна атмосфера. Демонстрантите моментно минaa покрај Министерството за надворешни работи, а нивна завршна точка, вообичено, е Собранието.
Учесниците на протестот извикуваат пароли како „оставки“ и „никогаш Северна само Македонија“. Предвидено е пред Собранието, како што беше случај и во изминатите денови, да се обратат неколку говорници и да изнесат свое мислење дека франуцскиот предлог не треба да биде прифатен, бидејќи ги загрозува националните интереси на нашата држава.
За утре е најавена собраниска седница на кој ќе се расправа за Информацијата од Владата за предлог преговарачката рамка, а свое обраќање пред пратениците во македонскиот законодавен дом ќе има и претседателката на Европската комисија, Урсула фон дер Лајен, која ќе допатува во еднодневн посета на Скопје.
Тоа е причина за утрешните протести против францускиот предлог, наместо во 19 часот, да започнат напладне.
(Р.Н.)