Бугарскиот европратеник, Ангел Џамбаски се огласи на Твитер по скандалот во Европскиот парламент откако отпоздрави со нацистички поздрав.
– Кога ќе помешате обичен поздрав со нацистички, имате вистински проблем со законот на Годвин. Тоа што некој не се согласува со тебе не значи дека е нацист. Се извинувам ако мојот невин поздрав навреди некого, но ова е сериозен случај на Reductio ad absurdum, напиша на Твитер Џамбаски.
When you mistake a simple wave with a Nazi salute you have a real Godwin’s law problem. The fact that one disagrees with you does not mean he is a Nazi. I apologise if my innocent wave (meant as an excuse) has insulted anyone but this is some serious case of Reductio ad absurdum.
— Джамбазки (@djambazki) February 16, 2022
Претседателката на Европскиот парламент Роберта Мецола рече дека „фашистички поздрав во Европскиот парламент е недозволив, секогаш и секаде“.
– Ова ме навредува мене и сите во Европа – додаде таа.
Францускиот државен секретар за европски прашања, кој беше присутен во пленарната сала на европарламентот во Стразбур, го нарече гестот на Џамбаски „скандалозен и шокантен“, пишува СДК.