Македонската џудистка Арбреша Реџепи издржа само една минута во своето деби на Олимписките игри. Таа утринава во категоријата до 52 килограми загуби (11:0) од Челси Џил од Велика Британија со ипон во првата рунда.
Од осумте македонски натпреварувачи на Олимпијадата во Токио, своите настапи покрај Реџепи ги завршија уште и Борјан Бранковски кој вчера беше 21-ви во квалификациите во стрелаштво – воздушен пиштол 10 метри, како и пливачот Филип Деркоски кој заврши на последното место во квалификациите на 400 метри слободно.
Следен Македонец кој ќе се појави на борилиштата во Токио е Георгиевски Дејан, (таеквондо) во категоријата +80 кгр. Неговиот настап е предвиден за 27 јули.
На Олимписките игри во Токио, во тек е вториот натпреварувачки ден, кој го одбележуваат јапонските спортисти. Домаќинот на Олимпијадата го презема од Кина лидерското место на листа медалисти.
Јапонија го освои златниот медал во скејтборд, Јуто Хоригоме стана првиот победник во овој спорт во историјата на Олимписките игри.
Големо изненадување направи пливачот Ахмед Хафнаој на Тунис му донесе златен медал на 400 метри слободно.
Јапонија и Кина водат со по три златни медали, а по нив следуваат 11 земји со по едно злато.