Легендата на забавната музика, Драган Мијалковски, на 6 март во универзалната сала, со голем концерт ќе го одбележи своето враќање на македонската музичка сцена.
– Сметам дека моите долгогодишни фанови и вљубеници во мојата музика заслужуваат да ме видат по подолго време во моето препознатливо светло и да ги слушнат во живо хитовите кои ја одбележаа нивната генерација и со кои зачекорија во светот на возрасните. Една од работите поврзани со овој концерт која особено ми претставува задоволство е тоа што придружбата која ќе ме прати во текот на целата вечер е ревискиот оркестар на Македонската радио телевизија за кој нескромно ќе кажам дека навистина е голема чест да се настапува со сите тие врвни музичари и големи професионалци –вели Драган Мијалковски.
Р
евискиот оркестар ќе ги засвири познатите звуци на песните на Мијалковски под диригентската палка на Кире Костов, а гости на вечерта, се евровизискиот претставник Влатко Лозановски и Тамара Тодевска.