Друштвото на ликовни уметници на Македонија од оваа година на Ревијалната годишна изложба ја воведе наградата од публика насловена “Никола Иванов Балтон“.
“Наградата е востановена во чест на нашиот драг пријател и колега, со што неговото име ќе остане симбол на Друштвото. За ова признание одлучи публиката преку 30-дневно гласање по електронски пат и во канцеларијата на ДЛУМ“, велат од ДЛУМ
Уметничкиот совет на ДЛУМ, по прегледаните гласови донел одлука дека наградата да биде доделена на Душан Георгиевски. Роден во Скопје, 1964 г., дипломирал на Факултретот за ликовни уметности 1996 година. Досега неговите многубројни самостојни изложувања се на релација Македонија-Кувајт поради неговиот тамошен долгогодишен престој.