Индустриското производство во ноември 2024 година, во однос на ноември лани, е помало 3.5 отсто.
Во периодот јануари – ноември 2024 година, пак, во споредба со истиот период од 2023, индустриското прозводство е намалено за 3.8 проценти, соопшти Државниот завод за статистика.
Гледано по сектори, индустриското производство во секторот Рударство и вадење на камен во ноември 2024 година, во однос на ноември 2023 година, бележи опаѓање од 3.2 %, во секторот Преработувачка индустрија бележи опаѓање од 2.7 %, а во секторот Снабдување со електрична енергија, гас, пареа и климатизација опаѓање од 6.7 %.
Намалувањето во секторот Преработувачка индустрија е резултат, пред сѐ, на намаленото производство во следните оддели: на прехранбени производи, на пијалаци, на текстил, на облека, на хартија и производи од хартија, Печатење и продукција на снимени медиуми, на хемикалии и хемиски производи, на основни фармацевтски производи и фармацевтски препарати, на производи од гума и производи од пластични маси, на машини и уреди, неспоменати на друго место, на моторни возила, приколки и полуприколки и поправка и инсталирање на машини и опрема.
Според главните индустриски групи, производството во ноември 2024 година, во однос на ноември 2023 година, бележи опаѓање кај Енергија за 6.6 %, Капитални производи за 11.1 % и Нетрајни производи за широка потрошувачка за 6.9 %, додека пораст бележи кај Интермедијарни производи, освен енергија за 4.3 % и Трајни производи за широка потрошувачка за 36.2 %.