НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Екстремната десница ја разгледува можноста за формирање на десничарска супергрупа на ЕУ

0
By Marija Todorovska on June 13, 2024 ИЗБОР
СПОДЕЛИ
Facebook Twitter LinkedIn Email

Лидерите на најрадикалните европски десничарски партии се собраа во средата во Брисел за да разговараат за тоа како да се обедини фрагментираното десно крило на ЕУ, откако постигна добри резултати во европските избори, пишува Еуроњуз.

Француската Марин Ле Пен – чија партија Национален собир (НС) сега е најголемата делегација во Европскиот парламент откако освои 30 места на минатонеделното гласање – се сретна со лидерот на италијанската крајнодесничарска партија „Лига“ пред собирот на лидерите кои припаѓаат на групата Идентитет и Демократија (ИД).

Герт Вилдерс, чија екстремно десничарска партија ПВВ неодамна склучи коалициски договор за ко-владеење во Холандија; Том Ван Грикен, предводникот на белгискиот Влаамс Беланг; и Андре Вентура, лидерот на португалската „Доста“ (Чега), се очекуваше да се приклучат на разговорите, а ќе бидат претставени и чешките, австриските и данските екстремно десничарски партии.

Партијата „Лига“ во соопштение рече дека Салвини и Ле Пен разговарале за обединување на европската „десница“, и покрај тоа што нивните партии се сметаат за едни од најрадикалните во Европа.

Еуроњуз пишува дека зборувајќи со новинарите пред состанокот, Андре Вентура – чија партија „Доста“ („Чега“) изби на португалската политичка сцена на предвремените законодавни избори во март – рече дека иако ИД е интегрирана и усогласена како група, таа исто така активно бара да се прошири .

„ИД е во пошироки преговори со цел да се формира голем десничарски блок за борба против корупцијата, против илегалната имиграција и за контрола на нашите граници“, рече Вентура.

„Ако овие разговори доведат до успешен исход, ние ќе бидеме подготвени да учествуваме во него“, рече тој.

Неколку дена пред европското гласање, Марин Ле Пен изјави за италијанскиот весник „Кориере дела сера“ дека бара поддршка од италијанскиот премиер Џорџија Мелони за да ја обедини сопствената група за ИД со ЕКР на Мелони во екстремно десничарска супергрупа.

Овој потег се смета за ризичен за Мелони, која воспостави блиски односи со претседателката на Европската комисија Урсула фон дер Лајен и може да ја изгуби можноста да го зацементира своето влијание на сцената на ЕУ ако се отвори за порадикални сили.

Одлуката на францускиот претседател Емануел Макрон да распише предвремени парламентарни избори, исто така, радикално го промени влогот, бидејќи Марин Ле Пен гледа на нејзината можност да ја преземе контролата врз Националното собрание и да го постави својот 28-годишен штитеник Џордан Бардела за премиер на Франција.

Тоа би можело да му даде на Ле Пен уште поголем фактор во обидите да формира екстремно десничарска супергрупа. Партијата Фидес на Виктор Орбан е исто така политички бездомник во Европскиот парламент и потенцијално би можела да ја зајакне таквата супергрупа за 11 места.

Рамадани: Макрон им даде на Французите избор каде ја гледаат Франција во иднина

Првиот човек на Евроатлантскиот совет  Исмет Рамадани за ЦИВИЛ Медиа вели дека изборите во Франција и Германија треба сериозно да се сфатат.

„Oна што е изненадувачки, но не толку, е она што се случи во Франција и Германија. Овде треба посериозно да се сфатат десните партии, особено во Франција, кадешто партијата на Марин Ле Пен издвои победа  но овде многу брзо реагираше францускиот претседател Макрон со распишување на парламентарни избори. Се поставува прашањето која порака сакаше да ја дава Макрон преку овој потег, а коментарите се повеќе се склони на тоа дека тој со изборите им дава поголема одговорност на Французите за тоа каде и како ја гледаат Франција по натаму“, рече Рамадани.

Партијата на Ле Пен доби околу 32 отсто од гласовите, десет повеќе од претходните европски избори во 2019 година и 17 отсто повеќе од партијата на францускиот претседател Емануел Макрон. Веднаш по добиените резултати Макрон го распушти парламентот и распиша парламентарни избори

„На Франција и треба јасно мнозинство за да дејствува мирно и хармонично“, рече Макрон во обраќањето до нацијата од Елисејската палата, нагласувајќи дека изборите ќе се одржат во два круга – на 30 јуни и на 7 јули.

Што се однесува до земјите кои претендираат да станат членки на Унијата, за професорот по политички науки, Мурат Алиу, овој резултат значи благо зголемување на потешкотиите на евроинтеграцискиот процес, но оптимист е за умереноста на екстремната десница и омекнувањето на тоновите по нивното доаѓање на власт.

„Мислам дека ЕУ, и земјите кои се веќе членки на ЕУ, но и земјите кои се стремат кон ЕУ, ќе се соочат со поголем отпор во Парламентот, имајќи предвид дека екстремната десница и екстремната левица ги зголемија своите бројки во Парламентот, што значи дека ќе има отпор по ова прашање, дискурс или поостар јазик, или политики повеќе против Европската Унија. Ова ќе ја отежне интеграцијата на земјите аспиранти во ЕУ, особено од Западен Балкан, но сакам да останам оптимист“, рече Алиу.

Екстремно десничарските партии во Европскиот парламент моментално се поделени во два табора: ИД и тврдодесничарските Европски конзервативци и реформисти (ЕКР), кои се засолниште како Браќата од Италија на Џорџија Мелони (ФДИ) и шпанскиот Вокс.

Иако тие не се појавија толку зајакнати како што се очекуваше на минатонеделните европски избори, сепак, доколку се спојат, би можеле да станат трета или дури втора најголема политичка сила во Европскиот парламент.

Н. Абдурахмани / Цивил Медиа

екстремна десница
Share. Facebook Twitter LinkedIn Email
ТИКЕР

Данска ќе дозволи користење вештачката интелигенција на матурските испити

August 22, 2025

Британски научници создадоа сензор од дијамант за откривање метастази

August 22, 2025

Во Албанија откриена прва статуа на Исус Христос во стилот на бразилската скулптура

August 21, 2025

Анкета на Ројтерс/Ипсос: Повеќето Американци веруваат дека сите членки на ОН треба да ја признаат Палестина

August 21, 2025

Малолетници фрлиле камења врз автобус со српски туристи во близина на Солун, повредени три лица

August 21, 2025
ФОКУС

Нетанјаху: Израел ќе ја освои Газа без разлика дали Хамас ќе ги ослободи заложниците

ВЕСТИ August 21, 2025

Израелскиот премиер Бенјамин Нетанјаху изјави дека Израел ќе продолжи со плановите за воена акција и…

Пентагон: Сценарија за Украина ќе бидат презентирани на европските советници за национална безбедност

August 21, 2025

Армијата го слави 33-от роденден со свеченост во касарната во Штип

August 18, 2025

Најмалку 21 лице загина чекајќи хуманитарна помош во Газа

August 17, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.