Вашингтон: Американскиот претседател Доналд Трамп лансираше линија на луксузни часовници што го носат неговото име, но американските купувачи не се задоволни од квалитетот на часовниците.
Имено, како што пишува Индепендент, компанијата поврзана со Доналд Трамп, која неодамна ја лансираше линијата претседателски часовници, се соочува со бран незадоволство од поддржувачи на поранешниот претседател, откако голем број купувачи пријавија проблеми со испораката и комуникацијата со компанијата.
Според платформата TrustPilot, просечната оцена за производите е 2,7 од 5 ѕвезди. Дури 62 проценти од сите рецензии се негативни, а на 58 проценти им доделува само една ѕвезда. Дел од клиентите ја опишуваат целата операција како измама, а некои од коментарите се со тон што потсетува на самиот Трамп.
Линијата часовници Fight Fight Fight, рекламирана агресивно на каналот Њузмакс, се продава по цени од 499 до 799 долари, со уште повисоки износи за модели изработени по нарачка.
Извор: Индепендент