Американскиот заменик помошник секретар за европски и евроазиски работи Габриел Ескобар за Радио Слободна Европа вели дека Русија ја дестабилизира Црна Гора.
На прашањето како САД гледаат на концептот „српски свет“ и неодамнешните иницијативи на претседателот Александар Вучиќ и други функционери за промовирање на српскиот идентитет и „единство“ во регионот и дали овој тренд може да го дестабилизира регионот, Ескобар рече дека тоа останува да се види, посочувајќи дека не постои конфликт помеѓу тоа луѓето што ја слават својата култура и живеат во друга земја.
– Во оваа земја, ние ја славиме културата меѓусебно. Но, прашањето е дали тогаш тоа станува политички и воен императив и во тој поглед ние апсолутно веруваме дека граѓаните од различни националности кои живеат во друга земја – државјаните на земјата во која живеат, имаат обврски кон неа, а земјитр од страна не треба тие две работи да ги мешаат. Затоа е многу збунувачко прашање за луѓето од регионот, за луѓето од Косово, Црна Гора и Северна Македонија, но ние веруваме дека Балканот како мултиетнички дел од светот има многу да слави во однос на културата. „Политичка динамика и политички императиви кои произлегуваат од етничката припадност – тоа е друга приказна, рече Ескобар.
Тој нагласува дека Русија игра посебна улога во Црна Гора.
– Знам дека постојано се враќам на тоа, но европската интеграција и членството во НАТО се многу важни алатки, но важни се и пораките до одделни партии и влади дека воведувањето дестабилизирачки фактори во владите и владините позиции е многу загрижувачки феномен, Посочува Ескобар.
Тој е загрижен за присуството на Русија и Кина во балканскиот регион.
– Загрижен сум за тоа, искрено, мислам дека во европскиот простор, земјите треба да знаат дека имаат и други опции освен Кина – економски гледано. Отворањето на канцеларијата на DFC во Белград беше одличен пример за нашиот ангажман во регионот, тесно соработувам со Американската стопанска комора, што е еден начините луѓето да се охрабрат да гледаат подалеку од Кина во големи инфраструктурни проекти и инвестиции, бидејќи нашите инвестиции доаѓаат со долгорочни придобивки за регионот. Во случајот со Русија, мислиме дека многу од она што Русија го прави, мешајќи се во внатрешните работи на земјите од Западен Балкан, а особено Црна Гора, е многу дестабилизирачко, ве оддалечува од патот на европската интеграција и мултиетничкото помирување, Рече Ескобар.