Пишува Предраг Блогојевиќ, „Јужне вести“, Србија
„Се надевам на добра дискусија со медиумските професионалци и заинтересираните страни од регионот и меѓународната заедница..“, напиша европскиот комесар за проширување и соседска политика Јоханес Хан во воведот на брошурата за конференција одржана минатата недела во Тирана, организирана од европската администрација.
Неутралниот назив „Медиумски денови“ беше добра основа за разговор за сите важни теми на репресија на владите на балканските земји, додека географското ограничување на западниот дел на балканскиот полуостров дозволи Турција да не ги фрли во сенка сите сериозни инциденти во Македонија, Албанија, Црна Гора, Косово и особено во Србија.
Самиот собир, како организатор и домаќин, го отвори токму Јоханес Хан. Нагласувајќи ја важноста на медиумската слобода како една од „клучните вредности на Европската унија, која претставува камен темелник на процесот на проширување“.
Сепак, и покрај тоа што беше организатор и домаќин, комесарот Хан веднаш по својот и говорот на премиерот на Албанија, Еди Рама, а пред почетокот на првиот панел „Медиумите како сила на трансформацијата во европските интеграции“, на изненадување на големиот број учесници, стана и го напушти собирот.
Тоа се случи непосредно пред Бранко Чечен од Центарот за истражувачко новинарство на Србија, да добие збор и се обиде да укаже на проблемите на новинарите во Србија, и да побара појасна и појавна поддршка од Европската унија, додека неколку десетина учесници на собирот, со маици на кои пишуваше „ЕУ направи повеќе“, за цело време на неговото излагање стоеа. Не станаа тогаш само колегите од Србија, туку и од Црна Гора, Босна, Косово и европските земји…
Но, додека Хановата постапка, Бранковиот говор и поддршката на колегите беше тема за разговор во текот на паузата, во соседната сала, одвоена со метална решетки, под будното внимателно обезбедување во црни одела, на најдалечната маса седеа Хан и останатите челници на ЕУ, организатори на собирот.
Решетките кои не раздвојуваа беа декоративни и секако не беа поставени заради безбедност, но ни беше фасцинантна симболиката на она што во тој момент го симболизираа.
Да резимирам, свечените говори на челниците на ЕУ на разни конференции не вредат ни трошка, се додека тие во нивните јавни настапи балканските автократи ги нарекуваат „свои пријатели“, а од новинарите бараат „доказ за цензура“.
Тогаш уште посериозни стануваат заклучоците на ЕУ, дека актуелните влади „гарантираат стабилност на Балканот“ (звучи познато?). Така излегува дека заради наводниот мир, Европа ќе ја жртвува слободата на говорот и владеењето на правото, една од своите најголеми вредности.
Толерирањето на диктатура, самоволие, корупција, правно насилство, гушење на граѓанските слободи… заради наводно „очекување на стабилност во регионот“, во себе може да содржи „ЕУ“, но само како почетни букви на еутаназијата на сите оние идеи поради кои веруваме во Европската унија.
#EUdoMore #ForMediaFreedom
“Проектот е финансиран од Европската унија преку програмата за мали грантови „Заштита на медиумските слободи и слободата на говор во Западен Балкан“ имплементиран од Здружението на новинари на Хрватска како дел од Регионалната платформа за застапување на медиусмките слободи и безбедност во Западен Балкан во партнерство со шест организации од регионот (Независното здружение на новинари од Србија, Здружението на новинари од БиХ, Хрватсото здружение на на новинари, Здружението на новинари од Македонија и Унијата на медиумите од Црна Гора”.